A'zolik shartlari
O'zbekiston O'quv Markazlari Uyushmasi
A'zolik Shartlari
Uyishmaga quyidagi talablarga javob beradigan o‘quv markazlari a’zo bo‘lishi mumkin:
- belgilangan tartibda davlat ro‘yxatidan o‘tgan bo‘lishi;
- nodavlat ta’lim xizmatlari ko‘rsatish faoliyatini amalga oshirayotgan bo‘lishi;
- kamida 10 (o‘n) nafar o‘qituvchiga ega bo‘lishi;
- o‘qituvchilarining kamida 50 foizi “C1” darajadagi xalqaro sertifikatga ega bo‘lishi;
- Assotsiatsiya Ustavini tan olishi va uning maqsad hamda vazifalarini qo‘llab-quvvatlashi.
A’zolik ixtiyoriylik, teng huquqlilik va o‘zini o‘zi boshqarish tamoyillari asosida amalga oshiriladi. Bitta o‘quv markazi Uyishmaga bitta a’zolik huquqiga ega bo‘ladi.
A’zolikka qabul qilish tartibi
A’zolikka qabul qilish Uyishma Boshqaruvi qarori asosida amalga oshiriladi.
A’zolikka qabul qilish uchun quyidagi hujjatlar taqdim etiladi:
- belgilangan shakldagi ariza;
- davlat ro‘yxatidan o‘tganlik to‘g‘risidagi guvohnoma nusxasi;
- ustav nusxasi;
- o‘qituvchilar ro‘yxati va ularning xalqaro sertifikatlari nusxalari;
- STIR va bank rekvizitlari;
- rahbarning pasport nusxasi.Hujjatlar kelib tushgan kundan boshlab 15 ish kuni ichida ko‘rib chiqiladi.
Qaror qabul qilinganidan so‘ng 3 ish kuni ichida yozma ravishda arizachiga xabar beriladi.
Kirish badali to‘langan kundan boshlab a’zolik kuchga kiradi.
A’zolarning huquqlari
Uyushma a’zolari quyidagi huquqlarga ega:
Uyushma tadbirlari, yig‘ilishlari, seminarlari, ko‘rgazmalari va loyihalarida faol qatnashish huquqiga ega.
a’zolar Uyushma rahbar organlariga yozma va og‘zaki ariza, taklif va mulohazalar bilan murojaat qilish huquqiga ega.
takliflar Uyushma faoliyatini takomillashtirishga yo‘naltirilgan bo‘lishi shart.
a’zolar Uyushmaning ustav, qarorlar, moliyaviy hisobotlar va tadbirlar rejasi bilan tanishish huquqiga ega.
moliyaviy va tashkiliy axborot Uyushma tomonidan so‘ralgan vaqtda, belgilangan tartibda taqdim etiladi.
a’zolar Uyushma Boshqaruvi va boshqa rahbar organlarini saylashda va ularning faoliyatini baholashda ovoz berish huquqiga ega;
a’zolar xohishi bo‘lganda o‘z arizasi asosida a’zolikdan chiqish huquqiga ega;
agar a’zolik bekor qilingan bo‘lsa va a’zo bu qarordan norozi bo‘lsa, u Uyushma rahbar organiga yozma shikoyat bilan murojaat qilishi mumkin.
A’zolarning majburiyatlari
Uyushma a’zosi Uyushma Nizomi, ichki tartib-qoidalari va boshqaruv organlari qarorlariga qat’iy rioya etishi shart;
belgilangan tartibda va muddatlarda a’zolik badallarini to‘liq to‘lashi;
badal to‘lovlarini asossiz ravishda kechiktirish yoki to‘lamaslik a’zolik huquqining vaqtincha to‘xtatilishiga yoki bekor qilinishiga asos bo‘lishi mumkin;
tadbirlar, seminarlar, loyihalar va ko‘rgazmalarda qatnashish;
Uyushma obro‘sini oshirish, shaxsiy manfaatni ustun qo‘ymaslik;
so‘ralgan ma’lumotlarni to‘liq va haqiqatga mos berish;
majburiyat buzilgan taqdirda ogohlantirish, vaqtincha to‘xtatish yoki a’zolikni bekor qilish mumkin.
A'zolik badali turlari
Uyishma a’zolari quyidagi turdagi a’zolik badallarini to‘laydilar:
- Kirish badali (bir martalik);
- Yillik a’zolik badali (yiliga bir marta);
- Oylik a’zolik badali (har oyning 10 sanasiga qadar);
- Premium / Hamkor a’zolik;
- Maqsadli badallar (ixtiyoriy, loyihalar uchun).
